Porcupine Tree, Oslo, 23. oktober 2009

Bilete: PT på Rockefeller 2007, foto og manip: Snakehammer

Det var utseld på Sentrum Scene i går, og Porcupine Tree var tilbake i Noreg for tredje gong. Førre gongen dei var her var det for å promotere Fear of a Blank Planet, eit sterkt album frå ei stadig meir velspelt gruppe. Denne gongen var det det nye albumet The Incident som hadde hovudrolla, eit fantastisk album som består av ein song, The Incident, som er 55 minutt lang men delt opp i 14 spor.

Det var ein fantastisk konsert, heilt utruleg bra trøkk, publikum var med, bandet var i storform! Nye videoar fylgde dei nye låtane, og vi fekk fine gjensyn med nokre eldre materiale.

Eg noterte setlista undervegs, den var som følger:

The Incident - heile første disken med minimalt avbrudd:

- Occams razor

- The blind house

- Great expectations

- Kneel and disconnect

- Drawing the line

- The incident

- Your unpleasant family

- The yellow windows of the evening train

- Time flies

- Degree zero of liberty

- Octane twisted

- The seance

- Circle of manias

- I drive the hearse

10 min. pause, med nedtellingsklokke på storskjerm.

- The start of something beautiful

- Russia on ice (uten sluttpartiet)

- Anaesthetize (kun det harde partiet, "The pills in me")

- Lazarus

- Bonnie the cat

- Normal

- Way out of here

Encore;

- The sound of muzak

- Trains

Ein utruleg kveld med eit utruleg band! Høgdepunkta for min del var første delen, samt vanvittig inspirerte versjonar av The sound of muzak og Trains.

The Yellow Windows of the Evening Train

Eit bilete eg tok på togstasjonen på veg til jobb med mobilen, tidleg ein morgon. Minna meg om Porcupine Tree sin sang The Yellow Windows of the Evening Train.

A picture I took at the train station on my phone on the way to work early one morning. Reminded me of the song by Porcupine Tree, The Yellow Windows of the Evening Train.

"Nyhende" frå kjendis.no

Dagbladet har gjort det igjen! Eller, rettare er det vel Dagbladet sin vesle freak av eit søsken, kjendis.no, som er syndaren.

Her mister Jackman besinnelsen, skreiv dei i går.

Saken handlar om ein mobiltelefon som går av midt under det som ser ut til å være ei ganske kjenslemessig scene. Jackman reagerar momentant, og kommentarane han og medspelar Daniel Craig kjem med er ustyrteleg morosame.

Hadde Jackman mista besinnelsen, da hadde kjendis.no fått litt av ei sak, det som derimot hender er langt ifrå dette. Ja, han vert frå seg. Men han held seg ekstremt roleg situasjonen trass!

Sjå heile klippet, det er rett og slett kjempevittig. All respekt til Hugh Jackman som ikkje ein gong mista den amerikanske aksenten sin under denne håplause situasjonen, som aldri burde hendt i det heile.

Dagens moral: dersom folk lærer seg å i det minste skru av lyden på mobilane, kan vi spare oss for tåpelege "nyhende" frå kjendis.no.

Pass deg for toalettet;)

The Incident Limited Deluxe Edition

Som eg tidlegare har skrive, kjem Porcupine Tree sitt nye album ut i ei spesialutgåve i eit begrensa opplag. Tidlegare har den vorte omtala som noko liknande spesialutgåva av Wilson sitt soloalbum Insurgentes, og no har Roadrunner endeleg lagt ut eit bilete av boksen.

Innhaldet i boksen er: albumet på to cd-plater, ein dvd med 5.1 miks av hovuddelen av albumet; det 55 minutt lange tittelsporet, ei bok med bilete frå PT sin faste fotograf Lasse Hoile, og ei bok med teikningar som går til albumet. Alt dette pakka inn i ein massiv slipcase!

Ytterlegare beskriving og informasjon finn du hjå Roadrunner. Førehandsbestille kan du gjere her, vinylutgåva finn du her, med atterhald om at samleboksen snart vert utseld!

Ein musikkvideo for eit utdrag frå The Incident-sporet har forøvrig vorte publisert på PT si myspace-side, både sangen og videoen er knallgode, og eg anbefalar deg å sjå den:)

Sledge Hammer endeleg tilbake på norsk tv!

"Trust me, I know what I'm doing!"

Hardare enn The Wire, meir dramatisk enn The Sopranos og med større ego enn Horatio Cane - verdens råaste purk er tilbake på norske tv-skjermar; Sledge Hammer skyt først og spør seinare!

Serien var dessverre kortlevd. Berre to sesongar vart produsert i sagaen om den knallharde mannssjåvinisten Sledge Hammer, mannen som løyser alle problem med ein .44 Magnum og fantastiske punchlines.

"Don't ever touch my hand when I'm going for my gun!"

Ingen serie har vel like gode punchlines og tørr humor som den relativt treigtenkte Sledge Hammer? Alltid ei vittig bemerking, eller deilig dialog med... revolveren! Sledge Hammer held seg, med unntak av kvaliteten på lyd og bilete, fantastisk godt! Dei tørre kommentarane er framleis hysteriske, kvinnesynet herlig politisk ukorrekt.

David Rasche (sist sett i nokre episoder av Ugly Betty) spelte rolla som Sledge Hammer, ei rolle fansen sannsynlegvis aldri vil gløyme han for (eg tenkjer kun på Hammer om eg snublar over ein film der Rasche spelar). Rasche sin sans for timing av vitsar er uslåeleg, og han er framleis ikkje for gamal til å spele i ein film om Sledge Hammer. Det er lov å håpe!

"Every breath you take, every move you make, I'll be watching you... That's police talk!"

Og no til sakens kjerne: på TV2 Zebra får du no eit herlig gjensyn med den fantastiske politimannen Sledge Hammer, hans meir eller mindre friviljuge partner Dori Doreau og ikkje minst stakkars, stakkars politisjef Trunk som alltid får lide under Hammer sine påfunn. Søndagar 21.30 får du med deg dei klassiske episodene. Takk til Zebra som sender ein fantastisk serie, men utan å sende ei einaste reklame på moderkanalen!

Til slutt nokre visdomsord frå Hammer sjølv:

Sledge Hammer: "Well, Miss, I was in this store when two thugs entered and threatened the owner with shotguns. At that time I drew my magnum and killed them both. Then I bought some eggs, some milk, and some of those little cocktail weenies"

News reporter: "Inspector, was what you did in the store absolutely necessary?"
Sledge Hammer: "Oh yes, I have no groceries at all back home"

The Expendables - tidenes film?

Det er offisielt: Sylvester Stallone sin neste film, The Expendables, har tidenes råaste og mest macho rolleliste, utan sidestykke. Legender frå både film og kampsport flokkar rundt Sly sjølv i den komande actionfilmen;

- Sly

- Jason Statham

- Jet Li

- Dolph Lundgren

- "Stone Cold" Steve Austin

- Terry Crewes

- Mickey Rourke

- Eric Robers

- Arnold Schwarzenegger

- Randy Couture

Og som om ikkje dette var nok; grunnen til at eg kom på å skrive dette innlegget for dei av dykk som enno ikkje har fått med seg den episke rollelista: Bruce Willis har endelig bekrefta at han også vil ha ei mindre rolle i filmen, i ei scene med både Sly og Arnold! The Expendables kan ikkje verte ferdig fort nok!

(Dessverre vil verken Chuck Norris, Wesley Snipes, JCVD eller Steven Seagal dukke opp i filmen.. Men heller enn felle tårer for dei som manglar, får vi feire dei som er med!)

AVATAR - International Teaser Trailer (HD)

Den første traileren til Jim Cameron sin storfilm Avatar vart publisert i går. I dag er det Avatar Day verda over og dersom du har sikra deg ein billett kan du sjå 20 minutt av filmen i 3D på colosseum i Oslo!

Då det kjem til traileren:
Na'vi-rasen ser interessante ut, og skogen på Pandora er vakker. Filmen ser ut til å innehalde sin del av både romantikk og episke scener. På kino kjem alt til å vere i 3D, og filmen ryktast å skulle bli lang!

Rollelista er god (Sam Worthington likte eg godt i Terminator Salvation, Sigourney Weaver ER trass alt Ellen Ripley) og James Horner lagar nok ein gong musikken for Cameron, til trass for at dei vart uvener og hevda at dei aldri skulle jobbe saman igjen under innspelinga av Aliens i 1986! (Horner og Cameron samarbeida på Titanic i etterkant).

Det mest spanande med lanseringa av Avatar vert kanskje effektane. Traileren var ikkje så fotorealistisk som Cameron og andre har hevda. Vil det hjelpe å få den i 3D, og vil dei komande månadane med finpuss gjere Avatar til eit mesterverk? Denne filmen vert og ganske definerande i forhold til effektane til Cameron sin neste film, Battle Angel.

Det skal verte spanande å sjå Cameron sin første spelefilm sidan Titanic i 1997. Avatar kjem til å verte ein enorm suksess eller ein fullstendig fiasko, lat oss håpe på det første!